Анқара Фаластин-Исроил можароси минтақада кескинлашишидан хавотирда.
“Бизнинг бу борадаги хавотирларимиз жуда ва жуда юқори. Буларнинг барчаси бир ёки икки ҳафта ичида тугашига ишончим комил эмас. Ва шунинг учун биз ўз ишимизни ва раҳбарлар билан алоқаларни давом эттирамиз. Биз содир бўлаётган воқеаларни тўхтатиш учун воситачилик йўли билан ечим излаяпмиз”, деди Туркия президенти Анқарада Австрия канслери Карл Нехаммер билан ўтказилган матбуот анжуманида тегишли саволга жавоб берар экан.
Туркия раҳбари Яқин Шарқ муаммосини ҳал қилиш кераклигини ва “якуний ечим – пойтахти Шарқий Қуддусда бўлган мустақил Фаластин давлатини яратиш” эканлигини таъкидлади. “Биз минтақадаги барча қудратли ўйинчиларни “Адолатли дунёда мағлуб йўқ” шиори остида тинчлик ўрнатиш масъулиятини ўз зиммасига олишга чақирамиз... Кўпроқ қон тўкилишига олиб келадиган қадамлардан тийилишимиз керак”, - деди у.
Эрдўған Ғазодаги вазият ҳақида гапирар экан, инсон ҳуқуқлари бузилишига эътибор қаратди: “Биз бунга қандай етиб келдик? Биз бу ерда кўп йиллардан бери доимий ўлимга дуч келяпмиз. Ҳозир Ғазода сув таъминоти ҳам, электр ҳам йўқ. Инсон ҳуқуқлари ҳақида нима дейиш мумкин?"
Туркия президенти “Инсон ҳуқуқлари декларациясига кўра, электр ёки сувни узиб бўлмайди”, дея қўшимча қилди: “Ҳозир касалхоналар ва ибодатхоналар билан нима бўляпти? Улар шафқатсиз зарбаларга дучор бўлишади. Ва ҳеч ким ҳеч нарса демайди."
Туркия президенти АҚШнинг Жералд Форд самолёт ташувчи кемасини жўнатишини изоҳлар экан, “Америка самолёт ташувчисининг Исроилдаги иши нима? Нега у ерга боради? У ўзининг барча самолётларини, қайиқларини ишга тушириб, Ғазони ўраб олиб, унга зарба бериб, жуда жиддий оммавий ўлимга эшик очадими?"
