Ер шаридаги қитъалар сони еттита эмас, балки олтита бўлиб чиқди (?)

Яқинда ўтказилган тадқиқотга кўра, Ер шаридаги қитъалар сони еттита эмас, балки олтита экан.

Геологлар узоқ вақтдан бери Шимолий Америка ва Европани алоҳида қитъалар сифатида кўриб келишган, бироқ янги тадқиқотлар Ер океанлари остида мураккаброқ тузилиш бўлиши мумкинлигини кўрсатмоқда.

Давом этаётган изланишлар Гренландиядан Исландия орқали Фарер оролларигача чўзилган кўмилган қуруқлик изларини аниқлади.

Ушбу мунозаранинг марказида тектоник плиталарнинг ҳали ҳам кутилмаган тарзда ажралиб бориши мумкинлиги ҳақидаги фикр турибди. Баъзи мутахассисларнинг таъкидлашича, бу янги қараш келажакда қитъаларни қандай таснифлашимизга таъсир кўрсатиши мумкин.

Ушбу кашфиётлар ортида турган тадқиқотчилардан бири Дерби университетининг Ер фанлари бўйича ўқитувчиси доктор Жордан Фетҳеандир.

У Исландиянинг вулқон қатламлари остида нима борлигини ўрганиш учун Швейцария, Италия ва АҚШлик ҳамкорларни ўз ичига олган халқаро гуруҳ билан ҳамкорлик қилган.

Исландия геологияси ва Африканинг ёриқ зоналари.

Тадқиқотчилар Африкадаги Афра минтақаси деб аталувчи ҳудуд билан Исландиянинг шаклланиши ўртасида ўхшашликларни аниқладилар.

Улар ҳар икки жойда рифтинг жараёни қандай содир бўлишини ўрганиб, Рифтинг оқибатидаги океаник магматик плато ёки РОМП деб номланган янги хусусиятни аниқладилар.

Уларнинг тадқиқоти шуни кўрсатадики, Шимолий Америка ва Евросиё плиталарининг ажралиш жараёни, аввалги тахминларга қарамай, ҳали тугалланмаган. Сўнгги маълумотларга кўра, бу жараён ҳамон давом этмоқда.

Илгари кўплаб геологлар Шимолий Америка ва Евросиё плиталари тахминан 52 миллион йил олдин тўлиқ ажралиб бўлган деб ҳисоблашарди.

Энди улар, агар тасдиқланса, Шимолий Америка ва Европани ягона йирик массивга бирлаштиришга олиб келиши мумкин бўлган давом этаётган тарангликни кузатмоқдалар.

"Аслида, улар ҳали ҳам чўзилмоқда ва ажралиш жараёнида," деб тушунтирди доктор. Бу қайта талқин қитъаларнинг ривожланиши ҳақидаги анъанавий қарашларимизга шубҳа туғдиради".