АҚШ Давлат котиби Энтони Блинкен душанба куни бир ҳафталик ташриф билан Исроил ва бир қанча араб давлатларига ташриф буюради. Унинг ташрифи, шунингдек, шу ой бошида Исроилнинг Эрондан баллистик ракета ҳужуми учун жавоб чораларини кўриши билан бир вақтга тўғри келди.
АҚШ Давлат котиби Энтони Блинкен душанба куни Исроил ва бошқа бир қатор араб давлатларига бир ҳафталик иш сафари билан боради.
Унинг Яқин Шарққа сафари АҚШ президенти Жо Байден ўтган ҳафта Блинкен Исроил томонидан ХАМАС ҳарбий раҳбари Яҳё Синвар ўлдирилиши ортидан минтақага юборилишини эълон қилганидан кейин кутилган эди. Таҳлилчиларга кўра, бу бир неча ойлардан бери кечиктирилган ўт очишни тўхтатиш таклифи бўйича янги музокаралар сари қадам бўлиши мумкин.
Блинкеннинг ўзи “Ғазодаги урушни тўхтатиш, гаровга олинганларни оилаларига қайтариш ва Фаластин халқининг азоб-уқубатларини енгиллаштириш муҳимлигини жадал муҳокама қилиш учун” Исроил ва минтақадаги бошқа мамлакатларга ташриф буюришини маълум қилди.
Давлат департаменти унинг сафари Исроилдан бошланишини айтди, бироқ бошқа аниқ йўналишларни айтмади. Сешанба куни Блинкен Исроил Бош вазири Биньямин Нетаньяху ва президент Ицхак Герцог билан учрашади.
Минтақада Блинкен можародан кейинги режалар ва “фаластинликларга ўз ҳаётларини қайта қуриш имконини берадиган янги йўлни ишлаб чиқиш зарурлигини” муҳокама қилади, деди Давлат департаменти матбуот котиби Мэтью Миллер.
