Энди табиий газ ҳисобини юритиш рақамлаштирилади

Президентнинг 2022 йил 11 майдаги қарорига биноан “Ўзтрансгаз” АЖ табиий газ ҳисобини рақамлаштириш орқали юритиш ишларини олиб бормоқда.

Қарорда давлат бошқаруви соҳасида коррупциявий хавф-хатарларни бартараф этиш механизмларини такомиллаштириш ва ушбу соҳада жамоатчилик иштирокини кенгайтириш чора-тадбирларини амалга ошириш кўзда тутилган.

Хабарга кўра, 2025 йилда рақамли ислоҳотларни янги босқичга кўтариш, табиий газ йўқотишларни янада қисқартириш, хавф-хатарларни камайтириш ҳамда иш жараёнларини янада шаффоф қилиш режалаштирилган.

Маълумот учун, 2024 йил давомида табиий газ ҳисобини юритиш мақсадида рақамли технологияларни жорий этиш бўйича 2 та лойиҳа амалга оширилмоқда. Бу энергия ресурслари ва технологик жараёнларни мониторинг қилиш бўйича автоматлаштирилган тизими ва тезкор диспетчерлик ҳисобини юритишнинг автоматлаштирилган тизимидир.