Туркияда чорвачилик соҳасида қўллаш учун ишлаб чиқилган автоном соғиш роботи тақдим этилди. Янги қурилма инсон иштирокисиз бир суткада 75 тагача сигирга хизмат кўрсатиши мумкин.
Dost Anadolu номи билан аталган автоном соғиш роботи қишлоқ хўжалиги технологиялари кластери TÜME жамғармаси томонидан ишлаб чиқилган. Тизим «ихтиёрий соғиш» тамойили асосида ишлайди — ҳайвонлар эҳтиёжига қараб мустақил равишда қурилма олдига келади.
Робот ҳайвонларнинг соғлиғи, озуқа истеъмоли ҳамда ҳар бир еллиндан олинган сут миқдорини кузатиб боради. Йиғилган маълумотлар реал вақт режимида ветеринарлар ва ферма эгаларига узатилади.
Dost Teknoloji вакили Нуруллаҳ Чалқининг айтишича, тизимнинг сунъий интеллект технологиялари билан таъминланган дастурий таъминоти, электрон қисмлари ва механик компонентлари туркиялик муҳандислар томонидан ишлаб чиқилган.
Айни пайтда бундай роботларнинг бештаси Люлебургаз шаҳрида синовдан ўтказилмоқда. Туркияда тизимни тижорат мақсадларида фойдаланишни январь ойидан бошлаш режалаштирилган.
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
13 ёшли қиз эгизак фарзандли бўлди
