Эльбрус тоғида илгари бедарак йўқолган деб ҳисобланган охирги уч нафар альпинистнинг жасади топилди.
Бу ҳақда Россия Тергов қўмитасининг ҳудудий бошқармаси маълум қилди.
Маълумотларга кўра, Босния ва Герцеговиналик тажрибали альпинистлар гуруҳи жами етти кишидан иборат бўлган, улардан фақат икки киши омон қолган.
«Тергов талқинига кўра, 24 июль куни хориж давлати фуқаролари бўлган етти нафар альпинистдан иборат гуруҳ Эльбрус тоғига кўтарилишни амалга оширган. Кейинги куни кечқурун об-ҳаво шароити кескин ёмонлашгани сабабли гуруҳ йўналишдан адашиб кетган. Альпинистлардан бири тоғдан тушиб, 5,1 минг метр баландликда икки иштирокчининг тоби қочиб, ҳалок бўлганини маълум қилган. Кейинчалик қутқарувчилар томонидан яна бир омон қолган альпинист ва ҳалок бўлган яна уч кишининг жасади аниқланган», — дейилади хабарда.
ФВВ аниқлик киритишича, ҳалок бўлган икки кишининг жасади эвакуация қилинган, қолганлари учун эса идора ходимлари 27 июль куни йўлга чиқади.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
