"The Athletic" нашри эксперти Жордан Кэмпбеллнинг фикрича, янги мавсумда «Манчестер Сити» бош мураббийи Хосеп Гвардиола ўзбекистонлик ҳимоячи Абдуқодир Ҳусановни бошқа позицияда синаб кўради.
«Абдуқодир Ҳусанов янги позицияга ўтказилиши кутилмоқда. Ўзбекистонлик футболчи ўтган мавсумда “Ланс” ва “Манчестер Сити” сафида марказий ҳимоячи сифатида 21 та ўйин ўтказди. Бироқ, Чемпионлар Лигаси доирасида Мадридда ўтган ("Реал"дан мағлубият — 1:3) ва клублар ўртасида ЖЧда (“Ал-Айн” устидан 6:0 ҳисобида ғалаба) Хосеп Гвардиола Абдуқодирни бошқа позицияда — ўнг қанот ҳимоячиси сифатида ишлатди.
Бошқа экспертларнинг фикрича, 2025/26 мавсумида у кўпроқ айнан шу позицияда майдонга тушади. У чиндан ҳам ўнг қанотда яхши ўйнай олади: у жуда тезкор ва бирга-бир вазиятларда ажойиб ўйнайди — бу замонавий АПЛда жуда муҳим сифатлар. Ҳусанов ўнг қанот ҳимоячиси позициясида ўйнай олишини ва бу позициядаги муаммоларни тўлиқ ҳал қила олишини кўрсатди», — дейди Кэмпбелл.