Европа Иттифоқи саммити иштирокчилари Яқин Шарқдаги вазиятнинг кескинлашиши 2015 йилги миграция инқирозининг такрорланишига олиб келиши мумкинлигидан хавотир билдиришди.
Бу ҳақда саммитнинг якуний ҳужжатида айтилган.
Унда таъкидланишича, ҳозирги можаро ҳали Европага оммавий миграция оқимига олиб келмаган бўлса-да, Европа Иттифоқи юқори даражадаги ҳушёрликни сақлаб қолиши керак.
Европа Иттифоқи раҳбарлари назорациз миграция оқимининг олдини олиш чораларини кўриш ниятини таъкидладилар.
"2015 йилги миграция инқирози сабоқларига асосланиб, Европа Иттифоқи назорациз миграция оқимларининг олдини олиш учун ўзининг дипломатик, қонунчилик, операцион ва молиявий воситаларини тўлиқ сафарбар қилишга тайёр", дейилади ҳужжатда.
Шу билан бирга, Европа Иттифоқи қисқа вақт ичида Европага миллиондан ортиқ мигрант келган вазиятнинг такрорланишига йўл қўймаслик ниятида эканлигини билдирди.
Эрон мусулмон давлатларига чақириқ билан чиқди
Грузияда мотам куни эълон қилинди
Эрондаги вазиятдан Марказий Осиёда энг кўп Тожикистон қийналиши мумкин
