АҚШ кутганидек, 15-17 июнь кунлари Канаданинг Альберта провинциясида бўлиб ўтадиган G7 саммитигача Европа Иттифоқи мамлакатлари Россияга қарши санкцияларнинг 18-пакетини тайёрлашга катта эҳтимол билан улгурмайди.
Бу ҳақда ўз номи ошкор этилмаган европалик дипломатларга таяниб, EUObserver портали хабар берди.
"Биз 18-санкция пакети бўйича ҳуқуқий матнларни олганимиз ҳам йўқ, шунинг учун икки ҳафта ичида келишувга эришиш жуда амбицияли кўринади", — дея дипломатлардан бирининг сўзларини келтиради портал.
Бошқа манбалар янги санкциялар пакети ой охиригача тайёр бўлмаслиги мумкинлигини ва Европа Иттифоқи элчилари 4 июнь куни Брюсселда бўлиб ўтадиган ёпиқ йиғилишда Америка ташаббусини муҳокама қилиш ниятида эканлигини тахмин қилишди.
Портал таъкидлаганидек, АҚШ сенаторлари томонидан таклиф этилган Россияга қарши санкциялар тўғрисидаги қонун лойиҳаси бошқа нарсалар қаторида Европа давлатларига ҳам зарар етказиши мумкин, чунки у Россиядан газ сотиб олувчи мамлакатлардан АҚШга импортга 500 фоизлик божлар жорий этишни таклиф қилади.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
