China Eastern Airlines авиакомпаниясининг Boeing 777-300ER самолёти дунёдаги энг узоқ парвозни амалга оширди — ҳаво кемаси 29 соатда 20 минг километр масофани ортда қолдирди.
Boeing 777 — дунёдаги энг йирик ва оммалашган икки моторли реактив ва кенг фюзеляжли самолёт. Айнан у Хитойнинг Шанхай шаҳридан Аргентинанинг Буэнос-Айрес шаҳригача бўлган энг узоқ тижорат рейси учун танланди, деб ёзди Express.
Бироқ бу парвоз қўнишларсиз ўтди, дегани эмас. У экипажни алмаштириш ва ёнилғи қуйиш учун Янги Зеландиянинг Окленд шаҳрига икки соатга қўнди.
Таблоидлар ёзишича, бундай узоқ парвоз кимгадир азобли туюлиши мумкин, аммо яна кимларгадир икки кун давом этадиган бошқа парвозлардан анча қулайроқ.
Шанхай ва Буэнос-Айрес Ер шарининг деярли қарама-қарши томонида жойлашган. Хитойдан Аргентинага парвоз тахминан 25 соат 55 дақиқа, қайтиш эса 29 соат давом этади.
Шу пайтгача Singapore Airlines авиакомпаниясининг Ню-Йоркдан Сингапурга 19 соатлик тўғридан-тўғри рейси энг узоқ давом этувчи тижорат рейси ҳисобланган. Узоқ йўналишларда рақобат кескинлашмоқда: Австралиянинг Qantas авиакомпанияси 2027 йилда Сиднейдан Лондонга 22 соатлик янги йўналиш очишни режалаштираётганини эълон қилди.
Россияда хизмат кўрсатган мураббий: «Ўзбекистон терма жамоаси ЖЧда ҳеч нарсага даъво қила олмайди»
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
