China Eastern Airlines aviakompaniyasining Boeing 777-300ER samolyoti dunyodagi eng uzoq parvozni amalga oshirdi — havo kemasi 29 soatda 20 ming kilometr masofani ortda qoldirdi.
Boeing 777 — dunyodagi eng yirik va ommalashgan ikki motorli reaktiv va keng fyuzelyajli samolyot. Aynan u Xitoyning Shanxay shahridan Argentinaning Buenos-Ayres shahrigacha bo‘lgan eng uzoq tijorat reysi uchun tanlandi, deb yozdi Express.
Biroq bu parvoz qo‘nishlarsiz o‘tdi, degani emas. U ekipajni almashtirish va yonilg‘i quyish uchun Yangi Zelandiyaning Oklend shahriga ikki soatga qo‘ndi.
Tabloidlar yozishicha, bunday uzoq parvoz kimgadir azobli tuyulishi mumkin, ammo yana kimlargadir ikki kun davom etadigan boshqa parvozlardan ancha qulayroq.
Shanxay va Buenos-Ayres Yer sharining deyarli qarama-qarshi tomonida joylashgan. Xitoydan Argentinaga parvoz taxminan 25 soat 55 daqiqa, qaytish esa 29 soat davom etadi.
Shu paytgacha Singapore Airlines aviakompaniyasining Nyu-Yorkdan Singapurga 19 soatlik to‘g‘ridan-to‘g‘ri reysi eng uzoq davom etuvchi tijorat reysi hisoblangan. Uzoq yo‘nalishlarda raqobat keskinlashmoqda: Avstraliyaning Qantas aviakompaniyasi 2027 yilda Sidneydan Londonga 22 soatlik yangi yo‘nalish ochishni rejalashtirayotganini e’lon qildi.
Rossiyada xizmat ko‘rsatgan murabbiy: «O‘zbekiston terma jamoasi JChda hech narsaga da’vo qila olmaydi»
Muhammad Saloh jazolanadigan bo‘ldi
Bomba o‘rnatilgan avtomobilning portlashi oqibatida besh kishi halok bo‘ldi
