Wok Free халқаро тадқиқот ташкилоти томонидан тайёрланган ҳисоботга кўра, дунёда 40 миллион киши замонавий қуллик остида кун кечиради. Уларнинг 400 минг нафари АҚШда яшайди.
Бу БМТнинг Нью Йоркдаги қароргоҳида “Қулликка қарши курашиш ташкилоти” нинг расмий вакиллари томонидан “Глобал қуллик индекси 2018” ҳисоботининг берилиши муносабати билан ўтказиладиган матбуот анжуманида айтилди.
Ҳисоботга кўра, дунёда 40 миллион 300 минг киши замонавий қуллик соясида қийналиб келади. Уларнинг 403 мингтаси АҚШда, 136 мингтаси Британияда кун кечиради.
Ҳисоботда айтилишича замонавий қуллик одам савдосини, мажбурий меҳнатни, мажбурий никоҳни, болаларни сотиш ва эксплуатация қилишни, шунингдек, қулликнинг ўзини қамраб олади.
Ҳисоботга кўра, қулликнинг бу тури кутилганидан кўра ривожланган мамлакатларда кенг тарқалган.
АҚШда ҳар 800 кишининг бири замонавий қуллик вакили ҳисобланади. Шунингдек, Австралия, Франция ва бошқа Европа давлатларида бу кўрсаткич юқори ҳисобланади.
Manba: azon.uz
