Украина Қуролли кучларининг учувчисиз самолёти Бошқирдистондаги «Газпром нефтехим Салават» заводига ҳужум қилди. Бу ҳақда 9 май, пайшанба куни вилоят раҳбари Радий Хабиров маълум қилди.
“Бугун соат 13:00 атрофида Салават шаҳрининг саноат зонасига дрон ҳужум қилди, шундан сўнг «Газпром Нефтехим Салават» корхонаси иншоотларидан бири ҳудудида тутун пайдо бўлди”, — деб ёзди у ўзининг Телеграм-каналида.