Дональд Трамп: Ҳозирги Эрон раҳбарлари анча оқилона

АҚШ президенти Дональд Трамп Эроннинг ҳозирги раҳбарлари аввалгиларига нисбатан камроқ радикал ва анча прагматик эканини маълум қилди.

У бу ҳақда Оқ уйдаги Пасха тадбирида сўз юритиб, Эронда амалда “тўлиқ режим алмашгани”ни айтди. Трампга кўра, ҳозир музокара олиб борилаётган вакиллар анча оқилона ва келишувга очиқ.

Шунингдек, у маълум шартлар бажарилса, уруш тез якунланиши мумкинлигини таъкидлади.

Трамп Эрон билан келишув бўйича белгилаган охирги муддат — сешанба куни эканини эслатиб, Теҳрон таклифи муҳим бўлса-да, етарли эмаслигини қайд этди.