Бу ҳақда Spiegel хабар берди.
28 январ куни Германияда Deutsche Bankнинг Франкфурт-Майндаги бош қароргоҳи ва Берлиндаги офисида пул ювиш гумони билан тинтувлар ўтказилди. Рейдлар Германия прокуратураси топшириғига биноан Федерал жиноят қидирув бошқармасининг қарийб 30 нафар ходими томонидан амалга оширилди.
Франкфурт-Майн прокуратураси банкнинг айрим раҳбарлари ва ходимларига нисбатан пул ювиш бўйича тергов олиб борилаётганини маълум қилди. Терговчиларга кўра, кредит муассасаси аввалроқ пул ювишда фойдаланилган бўлиши мумкинлиги гумон қилинаётган хорижий компаниялар билан алоқаларни сақлаб келган.
Spiegel нашрининг ёзишича, тинтувлар терговчилар россиялик олигарх Роман Абрамовичга алоқадор деб ҳисоблаётган фирмалар билан боғлиқ.
Абрамовичнинг адвокати эса мижозига ушбу иш бўйича Германия идоралари томонидан олиб борилаётган терговлар ҳақида ҳеч нарса маълум эмаслигини билдирди. Унинг таъкидлашича, Абрамович доимо амалдаги миллий ва халқаро қонунлар ҳамда меъёрларга мувофиқ ҳаракат қилиб келган.
Одилхон қори Юнусхон ўғли суд залида ҳибсга олинди
Николай Валуев: "Марказий Осиё давлатларига ҳеч қачон таҳдид қилмаганман"
Уюштирилган суиқасдда ҳоким омон қолди
