Қирғизистон Социал-демократик партиясининг Бишкек шаҳар кенгашидаги фракцияси етакчиси Эрмек Усубалиев ўз ваколатини топширди. Бунга эса унинг касалликни бошидан ўтказгани сабаб бўлди.
Депутатнинг сўзларига кўра, у даволанмоқчи бўлганида қийинчиликларга дуч келган. Усубалиев пандемия Қирғизистондаги реал ҳолатни кўрсатиб берди деган фикрда. «Ҳеч кимни койимоқчи ёки уришмоқчи эмасман, лекин вазият қандай даражада эканлигимизни кўрсатди. Биз 25 йил ичида давлатни йўқ қилдик ва буни ҳамма кўриб турибди. 5-6 минг сўм (65-75 АҚШ доллари) ойлик оладиган шўрлик, оддий одамлар вазиятни ўзлари қутқаряпти – бир-бирларига ёрдам беряпти. Бу шармандали ва уят!» – деди у.
Эрмек Усубалиев ўзида ҳам айб борлигини тан олди: «Фикримни эшитишлари учун ниманидир ҳал қила олмадим. Одамларни, ҳокимликни ва ҳоказоларни ишонтира олмадим. Менинг ҳам айбим бор. Балки мендан кейин келадиган уриниб кўрар», – деди эндиликда собиқ депутат.