2022 йил баҳорида Россиядаги фаолиятини тўхтатган АмериканингThe Coca-Cola компанияси 2024 йил апрелида “Роспатент"га “Coca-Cola”, “Sprite” ва “Фанта” савдо белгиларини рўйхатдан ўтказиш учун аризалар топширган. Бу ҳақда “Ведомости” департамент маълумотлар базасига таяниб хабар берди.
Савдо белгилари алкоголсиз ва алкоголли ичимликлар, газланган сув ва бошқа маҳсулотларга тегишли (Товарларнинг халқаро таснифининг 32 ва 33-синфлари).
The Coca-Cola компаниясининг Россия бўлими мазкур ҳолат бўйича берилган “Ведомости” сўровига жавоб бермади.
Мутахассисларнинг фикрича, бу компаниянинг келажакда ушбу брендларни Россия бозорига қайтариш ниятидан далолат бериши мумкин.
“Онлайн Патент” компанияси бош директори Алина Акиншина аниқлик киритишича, муаллифлик ҳуқуқи эгаси асосий брендларга бўлган ҳуқуқларнинг йўқолишининг олдини олиш учун талабнома фаолиятининг минимал даражасини сақлаб қолишга мажбур.
Унинг таъкидлашича, агар Россияда товар белгиларидан уч йил давомида фойдаланилмаса, улар бекор қилиниши мумкин.
“Coca-Cola“, „Sprite“ ва „Фанта“ брендлари 2022 йилда бозордан олиб ташланганини ҳисобга олсак, уларнинг ҳуқуқий ҳимояси 2025 йил бошида тугатилиши мумкин”, дея таъкидлади эксперт.
Украинадаги уруш туфайли Coca-Cola ва Пепси Россиядаги фаолиятини ва маҳсулотларини ишлаб чиқаришни тўхтатганди.
