CNN, MS NOW ва Politico Трамп маъмуриятини судга берди

АҚШнинг учта йирик ахборот нашри — CNN, MS NOW ва Politico — Вашингтондаги федерал судга мурожаат қилди.

ОАВлар Трамп маъмурияти Оқ уй ҳудудига журналистларининг киришини чеклаганидан кейин судга даъво киритган. Улар журналистлар учун аккредитацияларни тиклашни талаб қилмоқда.

Дональд Трамп ОАВларни «ёлғон хабарлар» тарқатишда айблаб, уларнинг материалларидан норози эканини билдирган. Бироқ у тақиққа сабаб бўлган муайян мақолани кўрсатмаган.

ОАВлар эса аккредитациялар олдиндан огоҳлантиришсиз ва расмий тартибсиз бекор қилинганини таъкидламоқда.

Нашрлар суддан журналистларнинг эркин ишлаши ва матбуот эркинлиги ҳуқуқини ҳимоя қилишни сўрамоқда. Оқ уй эса чекловларни «ишончсиз маълумотларга қарши кураш» билан изоҳламоқда.