CNN, MS NOW va Politico Tramp ma’muriyatini sudga berdi

AQShning uchta yirik axborot nashri — CNN, MS NOW va Politico — Vashingtondagi federal sudga murojaat qildi.

OAVlar Tramp ma’muriyati Oq uy hududiga jurnalistlarining kirishini cheklaganidan keyin sudga da’vo kiritgan. Ular jurnalistlar uchun akkreditasiyalarni tiklashni talab qilmoqda.

Donald Tramp OAVlarni «yolg‘on xabarlar» tarqatishda ayblab, ularning materiallaridan norozi ekanini bildirgan. Biroq u taqiqqa sabab bo‘lgan muayyan maqolani ko‘rsatmagan.

OAVlar esa akkreditasiyalar oldindan ogohlantirishsiz va rasmiy tartibsiz bekor qilinganini ta’kidlamoqda.

Nashrlar suddan jurnalistlarning erkin ishlashi va matbuot erkinligi huquqini himoya qilishni so‘ramoqda. Oq uy esa cheklovlarni «ishonchsiz ma’lumotlarga qarshi kurash» bilan izohlamoqda.