Cиёсий масалаларда олдинга силжиш кузатилмаяпти

Ўт очишни тўхтатиш механизм деярли келишиб бўлинди, аммо сиёсий масалаларда олдинга силжиш кузатилмаяпти — Зеленский.

Украина президенти Зеленскийнинг журналистларга маълум қилишича, Женевада бўлиб ўтган уч томонлама музокаралар натижасида томонлар ўт очишни тўхтатишнинг техник жиҳатлари юзасидан муросага келган, аммо бу жараён ижросини таъминлайдиган сиёсий қарорлар ҳамон келишилмаган. Музокаралар сиёсий ва ҳарбий йўналишларда бўлиб ўтган.

“Ҳарбий йўналишда уч томон ҳам конструктив қатнашди. Агар сиёсий ирода бўлса, ҳарбийлар отишмани ва урушни тўхтатишни қандай назорат қилишни яхши билишади. Отишмани тўхтатишни мониторинг қилишда АҚШ вакиллари иштирок этади”, — деди Зеленский.

Шунингдек, Украина президенти сиёсий йўналишдаги энг баҳсли масалалар Россия ва Украина ўртасидаги келишмовчиликлар билан боғлиқлигини, жумладан улар Донбасснинг келажаги ва Запорижжя атом электр станциясини ўз ичига олишини айтди.