Chrome браузери Google’дан 34,5 миллиард долларга сотиб олиниши мумкин

Сунъий интеллект (AI) компанияси Perplexity Google’нинг Chrome браузерини 34,5 миллиард долларга сотиб олишни таклиф қилди. Бу ҳақда The Wall Street Journal (WSJ) нашри хабар бермоқда.

"Perplexity Google’нинг Chrome браузерини 34,5 миллиард долларга сотиб олишни таклиф қилди”, — дейилади мақолада.

Perplexity таклифи браузернинг тахминий қиймати 18 миллиард доллардан анча юқори. Компаниянинг нашрга маълум қилишича, келишувни бир қанча инвесторлар қўллаб-қувватлаган.

Айни пайтда АҚШ суди Google’ни веб-қидирув бозоридаги таъсирини заифлаштирмасдан браузерни сотишга мажбурлаш йўлини кўриб чиқмоқда. Бироқ, Perplexity таклифи ҳақиқий манфаатдор харидор борлигини кўрсатишга уриниш бўлиши мумкин.

Бундан ташқари, Google ўз браузерини сотишга тайёрлигини билдирмаган ва бу бизнесга зарар этказиши ва компания хавфсизлигига таҳдид солиши мумкинлигини таъкидлаган.