Чемпионлар лигасининг «Мавсум кашфиёти» эълон қилинди

«Реал» ярим ҳимоячиси Арда Гюлер Чемпионлар лигасининг якунланган мавсумидаги энг яхши ёш футболчиси деб топилди. Туркиялик футболчи УЕФА матбуот хизмати томонидан «Мавсум кашфиёти» номинациясида ғолиб деб эълон қилинди.

2025/2026 йилги Чемпионлар лигаси мавсумида 21 ёшли Арда Гюлер 14 та ўйинда майдонга тушди. Ушбу ўйинларда у 4 та гол урди ва 2 та голли узатмани амалга оширди. Эслатиб ўтамиз, «Реал» Чемпионлар лигасининг чорак финалигача етиб борган эди. У ерда Альваро Арбелоа бошчилигидаги жамоа «Бавария»га имкониятни бой берди.

Чемпионлар лигаси ғолиби эса иккинчи йил қаторасига «ПСЖ» бўлди. Луис Энрике жамоаси финалда «Арсенал» билан дуранг (1:1) қайд этгач, пенальтилар сериясида ғалаба қозонди.