Буюк Британия ҳукумати ноқонуний мигрантларни депортация қилиш жараёнини тезлаштириш мақсадида оддий фуқароларни иммиграция ишларини кўриб чиқишга жалб этишни режалаштирмоқда. Бу ҳақда The Independent нашри хабар берди.
Маълум қилинишича, 2027 йилдан иш бошлаши режалаштирилган Мустақил иммиграция апелляциялари бошқармаси таркибида махсус тайёргарликдан ўтган фуқаролар фаолият юритади. Улар бошпана бериш рад этилган хорижликлар томонидан берилган апелляция шикоятларини кўриб чиқиш ва қарор қабул қилиш ваколатига эга бўлади.
Шунингдек, мамлакат ички ишлар вазири ҳужжатсиз мигрантлар сақланадиган махсус марказлар сиғими кенгайтирилишини ҳам маълум қилди. Режага кўра, бу чоралар иммиграция қонунларини бузган ёки бошқа жиноятлар содир этган 45 минг нафаргача шахсни депортация қилиш жараёнини тезлаштиришга хизмат қилади.
Буюк Британия Ички ишлар вазирлиги маълумотларига кўра, ҳозирги вақтда мамлакатда депортация қилиниши лозим бўлган қарийб 20 минг нафар хорижий фуқаро мавжуд.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
