Буюк Британия ҳукумати Россияга эҳтиёт қисмларини олиб киришда воситачи бўлган Ўзбекистоннинг “MVIZION” компаниясига қарши санкция киритди. Жорий йил ноябрь ойида АҚШ савдо вазирлиги ушбу корхонани экспорт назорати рўйхатига қўшганди.
Маълумот учун, “MVIZION” МЧЖ 2022 йил 14 июнда давлат рўйхатидан ўтган. Фаолият тури сифатида электрон ва телекоммуникацион ускуналар ва уларнинг эҳтиёт қисмлари улгуржи савдоси билан шуғулланиши кўрсатилган. Ташкилотнинг ягона таъсисчиси ва раҳбари сифатида Игорь Николаевич Иевлев қайд этилган.
