Буюк Британия Россия “соя флотига” тегишли яна 135 та кемага нисбатан санкциялар жорий қилди

Буюк Британия ҳукумати эълон қилган баёнотда айтилишича, янги санкциялар пакети "Россия энергетика секторининг юрагига зарба бериб, Путиннинг Украинадаги ноқонуний урушини молиялаштирувчи нефтдан олинувчи даромадларини чеклайди.

Санкциялар “соя флотига” тегишли 135 та танкерга, шунингдек, Intershipping Services LLC ва Litasco Middle East DMCC компанияларига нисбатан жорий этилди.

Маълумотларга кўра, Intershipping Services “соя флотига” тегишли кемаларни Габон байроғи остида рўйхатдан ўтказиш учун жавобгар, Litasco Middle East эса “Лукойл” компаниясига алоқадор.

"Путин вақтни чўзишда ва тинчлик бўйича жиддий музокараларни кечиктиришда давом этар экан, биз қўл қовуштириб ўтирмаймиз", — дея янги санкцияларга изоҳ берди Буюк Британия ташқи ишлар вазири Дэвид Лэмми.