Бухоро шаҳрида кўп қаватли уйларни қуриш билан шуғулланиб келган “Ҳума Азия” МЧЖ раҳбарига нисбатан жиноят иши қўзғатилди. Бу ҳақда Бухоро вилояти ИИБ ахборот хизмати хабар берди.
Маълум қилинишича, “Ҳумо Азия” МЧЖ раҳбари Жамшид Каримов томонидан қурилаётган кўп қаватли уйларда содир этилган қонунбузилиш ҳолатлари аниқланган. Ҳолат юзасидан Жиноят кодексининг 168-моддаси (фирибгарлик) 4-қисми “а” банди ва 229-моддаси (ўзбошимчалик) 1-қисми билан жиноят иши қўзғатилган. Унга нисбатан қамоқ эҳтиёт чораси қўлланилган.
Айбланувчи томонидан Бухоро шаҳрининг Ислом Каримов ҳамда Садриддин Айний кўчаларида қурилаётган кўп қаватли уйларни сотиб олиш учун шартнома имзолаган ва тергов органи томонидан бугунги кунга қадар тегишли тартибда жабрланувчи сифатида эътироф этилмаган фуқаролардан Бухоро шаҳар ИИО ФМБ ҳузуридаги Тергов бўлимига мурожаат қилишлари сўралмоқда.
Хабарда МЧЖ томонидан қурилаётган кўп қаватли уйларда қандай қонунбузилиш ҳолатлари содир этилгани очиқланмаган.
Зеленскийнинг рафиқаси Елена 4,5 миллионга Bugatti Tourbillon гиперкарини сотиб олди
“Биз Фаластинни албатта тан оламиз! Аммо кейин..."
Ҳиндистон бош вазирининг ташрифи ҳатто Путинга ҳам ошкор этилмаган
