Бундестагда миграция бўйича мунозара бўлиб ўтди

Бундестагда миграция бўйича мунозара бўлиб ўтди. Мухолифат вакиллари Германиядаги ҳукмрон коалициянинг миграция сиёсатини танқид қилди

"Дунёда иқтисодий ўсиш жараёнида меҳнатга лаёқатли аҳоли сони камайиб бораётган бирорта ҳам мамлакат йўқ. Шунинг учун Германияга космополитизм керак, аммо бу дуч келган инсон мамлакатга келиши мумкин дегани эмас", — деди Германия канцлери Олаф Шолц ўз нутқида.

Германия ҳукумати раҳбари, шунингдек, бошпана беришдан бутунлай воз кечишга қарши чиқди: "Биз сиёсий таъқибга учраган, ўз ҳаёти учун курашаётган, ўз ҳаётини сақлаб қолиши керак бўлганларни ҳимоя қиладиган мамлакатмиз. Бу бизнинг Асосий қонунимизда мустаҳкамланган ва биз буни муҳокамага қилмаймиз", — дея фикр билдирди Шолц.