Бугун БААнинг Абу-Даби шаҳрида дзюдо бўйича жаҳон чемпионати ўз якунига етади. Мусобақанинг сўнгги кунида аралаш жамоавий дастурда ғолиб ва совриндорлар аниқланади.
Қуръа натижасига кўра, Ўзбекистон терма жамоаси иштирокини Бразилияга қарши баҳс билан бошлайди. Ҳамюртларимиз ушбу жамоани мағлубиятга учратган тақдирда Австрия / Жанубий Корея жуфтлиги ғолибига қарши татамига чиқишади.