Тошкент шаҳар ҳокимлиги пойтахт марказидаги кўчма савдо дўконча(киоска)ларини ижарага олиш учун таклиф этяпти. Киоскалар аукцион орқали берилади. Ижаранинг бошланғич нархи 8 млн. сўм этиб белгиланган. Бу ҳақда ҳокимлик ўз телеграм каналида хабар берди.
Ш.Рашидов ва Буюк Турон кўчасидаги 7 та киоска, Сайилгоҳ (Бродвей) кўчасидаги 40 та киоска аукционга қўйилган.
Аукцион шу йил 4 июль куни соат 15:00да бўлиб ўтади.
Ижара шартномаси ҳар бир киоска бўйича 5 йил муддатга тузилади. Шунингдек, савдо дўкончалари ижараси ва улардан фойдаланиш бўйича ҳар йиллик уч томонлама шартнома ҳам имзоланади.
Аукционда қатнашиш учун аризаларни қабул қилиш муддати 2 июль куни соат 18:00да якунланади.
Ўзбекистон тиббиёти оғир жудоликка учради
Энергия тармоқларига ўзбошимчалик билан уларниш ўғрилик ҳисобланади
Сирдарёда аёл ва унинг фарзандларини ўлдириб, уйни ёқиб юборишди
