Бразилия шарқида автобуснинг тоғ йўлидан қулаши оқибатида камида 17 киши ҳалок бўлди, 30 га яқин киши жароҳатланди. Бу ҳақда маҳаллий G1 портали хабар берди, деб ёзади Report.
Ҳодиса Алагоас штатидаги Униао-ду-Пальмарис муниципалитетида жойлашган Серра-да-Баррига шаҳри яқинида содир бўлган.
Портал маълумотларига кўра, автобусда 40 киши бўлган. Ҳодиса автомобилнинг техник носозлиги туфайли содир бўлган ва ҳайдовчи машинани бошқара олмаган.
Алагоас штат маъмурлари дастлаб ҳалок бўлганлар сони 23 кишини ташкил этгани ҳақида хабар берган бўлсалар, кейинчалик бу рақамни 17 киши деб ўзгартирди.
Униан-дус-Пальмарис муниципалитети маъмурияти жабрланганларга ёрдам бериш учун барча кучларини сафарбар қилди, деб ёзади G1.
Бразилия ирқий тенглик вазири Аниэли Франко ҳалок бўлганларнинг оила аъзоларига ҳамдардлик билдирди.
Исроил раҳбарияти ҳибсга олинишига биргина давлат тиш-тирноғи билан қарши чиқмоқда
Россия Британиянинг “Storm Shadow” ракетасини ҳам, АҚШда ишлаб чиқарилган HIMARS реактив ракетасини ҳам йўқ қилди
Исроил ниқобини ечди
