Бразилия президенти Луиз Инасиу Лула да Силва Конгресс томонидан қабул қилинган бошланғич ва ўрта мактабларда мобил телефонлардан фойдаланишни тақиқловчи қонунни маъқуллади.
Янги қонунга кўра, дарсда ҳам, танаффусда ҳам мобил телефондан фойдаланиш тақиқланади.
Президент Лула да Силванинг таъкидлашича, қонун "мутлақо" зарур ва шунга ўхшаш чоралар аллақачон бошқа мамлакатларда ҳам амалга оширилмоқда.
Шунингдек, у лавозимга киришганидан бери вазирлар ва бошқа амалдорларни йиғилишларда телефонлардан фойдаланишни тўхтатиш ҳақида бир неча бор огоҳлантирганини таъкидлади, чунки улар чалғитади.
Янги қоидаларга кўра, мактабларда телефонлардан фақат таълим мақсадида ва ўқитувчилар назорати остида фойдаланишга рухсат берилади.
Locomotiva институти ва QuestionPro томонидан 2024 йил октябрь ойида ўтказилган сўров натижаларига кўра, бразилиялик ота-оналарнинг 82 фоизи мактабларда мобил телефонлардан фойдаланишни тақиқлашни қўллаб-қувватлайди.
Телефонларнинг болалар ва ўсмирлар саломатлиги ва таълимига салбий таъсирини ҳисобга олиб, Конгресс 2024 йил 20 декабрда улардан мактабларда фойдаланишни тақиқловчи қонунни қабул қилди.
Хитой ва Япониядан кейин Россия ҳам шу таклифни бермоқда
Лионел Месси "Интер Маями" билан янги шартномага қарамай, 2025-йилда Европа футболига шов-шувли қайтиши мумкинлиги ҳақида тушунтириш
Дания АҚШ тажовузи бўлса, Россияга мурожаат қилишни таклиф қилди
