Бойсун туманида 3 гектар майдонда чиққан ёнғин қарийб 14 соат давом этди

Бойсун туманида чиққан ёнғинни 13 соат давомида ўчириб бўлмади.

17 июн куни Бойсун туманида 3 гектар майдонда чиққан ёнғин қарийб 14 соат давом этди. Қуруқ ўтлар ёниб, олов тезда кенг майдонга тарқалиб кетган. Ёнғинни ўчириш учун вертолёт ва дронлардан фойдаланишга тўғри келган.

Ёнғин ўчоғи 18 июн куни соат 07:10 да бартараф этилди. Бунда 85 нафар ФВБ ходими, 4 та техника, Ўрмон хўжалиги ходимлари, ИИБ ва Мудофаа вазирлигидан 20 нафар ҳарбий хизматчи иштирок этди.