Боливиянинг собиқ президенти Эво Моралес собиқ давлат раҳбари бўлган машинада содир бўлган отишмадан сўнг ички ишлар вазири Карлос дел Кастильо ва мудофаа вазири Эдмундо Новильони ишдан бўшатишга чақирди.
"Агар президент Луис Арсе бу суиқасдга буйруқ бермаган бўлса, унда иштирок этган полиция ходимлари билан бирга ички ишлар ва мудофаа вазирлари Карлос дел Кастильо ва Эдмундо Новильони ишдан бўшатиб, зудлик билан уларга қарши иш қўзғатиши керак", деб ёзди у.
Моралес, шунингдек, унинг машинасига ўқ узганлар полиция ходимлари эканлигини исботловчи видео тасвирларни ҳам эълон қилди. Видеода ҳарбий кийимдаги бир киши йиғилганларга ўт очган одамлар полиция машиналарини ҳарбий базага ҳайдаб, кейин вертолётларда учиб кетишганини айтади.
Якшанба куни Моралес ўзининг ижтимоий тармоқларида "ҳукумат кўрсатмаси билан ҳибсга олишга уриниш" деб атаган видеони эълон қилди. Кадрларда машинада Моралесга ўқ узилгани, ҳайдовчининг бошининг орқа қисмида қон кўриниб турганини кўриш мумкин. Кейинчалик Моралес қотилликка уриниш қурбони бўлганини ёзган. Ички ишлар вазири ўринбосари Роберто Риоснинг айтишича, полицияда собиқ президентни ҳибсга олиш учун ордер йўқ, расмийлар воқеа юзасидан текширув ўтказади.
