Болакай iPad ни ярим асрга блоклаб қўйди

Журналист Эван Осноснинг (Evan Osnos) таъкидлашича унинг Apple iPad планшети 48 йилга блокланиб қолган. Twitter да ёзишича эркак қурилмани уч яшар ўғлининг олдида қолдириб кетган.

Оснос маслаҳат сўраб обуначиларга мурожаат қилган. Бу уюштирилганга ўхшайди лекин, ўғлим iPad ни кўп маротаба блокдан чиқаришга урингандан кейин у шундай ҳолатга тушиб қолди. Бирор фикрингиз борми? деб ёзади у. У жойлаган фотодаги iPad экранида 25 536 442 дақиқадан сўнг қайта уриниб кўринг деган ёзув турибди.

Кўпчилик унинг муаммосини ечишга ҳаракат қилган. Аксарият операцион системани қайта ўрнатиб, маълумотларни резерв нусхадан тиклашни маслаҳат берган. Баъзилар шошилмасдан 48 йил кутишни айтишган. Бир фойдаланувчи агар у шунча кутса ўғлининг 51 ёшига зўр совға бўлишини ёзган. Шундан бери ижтимоий тармоқда Оснос бу мавзуни кўтармади, эскисини тузаттими ёки янги планшет олдими ҳеч ким билмайди.