БМТ махсус маърузачиcи: Исроил замонавий тарихдаги энг шафқатсиз геноцидлардан бирининг масъулидир

Фаластинликларга нисбатан Исроилнинг ҳаракатлари замонавий тарихдаги “энг шафқатсиз геноцидлардан бири”дир. Бу ҳақда БМТнинг оккупация қилинган фаластин ҳудудларида инсон ҳуқуқлари ҳолати бўйича махсус маърузачиcи Франческа Альбанезе билдирди.

Альбанезенинг таъкидлашича, эксклавдаги гуманитар вазият ҳақиқий апокалипсни эслатмоқда.

Женевада бўлиб ўтган БМТ Инсон ҳуқуқлари кенгаши йиғилишида сўзга чиққан Альбанезе ўзининг "Оккупация иқтисодиётидан геноцид иқтисодиётига" номли ҳисоботини тақдим этди. Ҳисоботда Исроил оккупациясининг иқтисодий оқибатлари атрофлича таҳлил қилинган.