БМТ: «Ғазо нафақат инсонпарварлик инқирози, балки азоб-уқубатлар гирдобидир»

«Ғазода нафақат инсонпарварлик инқирози, балки азоб-уқубатлар гирдоби ҳам мавжуд», деди Бирлашган Миллатлар Ташкилоти (БМТ).

Бирлашган Миллатлар Ташкилотининг Ғазодаги гуманитар ишлар ва қайта қуриш бўйича катта координатори Сигрид Кааг БМТ Хавфсизлик Кенгаши аъзоларини Ғазодаги гуманитар ёрдам операциялари ҳақида маълумот берди.

Унинг сўзларига кўра, 7-октабрдан кейин Ғазонинг тинч аҳолиси «жарликка тиқилган».

«Ғазо нафақат инсонпарварлик инқирози, балки азоб-уқубатлар бўрони ҳамдир», деди у.

БМТ координатори соғлиқни сақлаш ва таълим тизимлари вайрон бўлганини таъкидлаб, иссиқ туфайли юқумли касалликлар кўпайганини қайд этди.

Исроилнинг 6 май куни Рафаҳга уюштирган ҳужумлари ортидан 1 миллиондан ортиқ одамнинг яна уйини ташлаб кетишга мажбур бўлганига диққат қаратган Кааг, Ғазо бўйлаб 1,9 миллион кишининг кўчирилганини қайд этди.

Унинг сўзларига кўра, «Ғазода бирорта ҳам хавфсиз жой йўқ». У Исроилнинг Хон Юнусдаги «янги эвакуация тартиби»дан чуқур хавотир билдирди.