БМТ Бош котиби АҚШнинг қилган ишидан афсусда

БМТ Бош котиби Антониу Гутерреш АҚШнинг БМТнинг айрим тузилмаларидан чиқиш қароридан афсусда эканлигини билдирди.

Бош котибнинг матбуот котиби Стефан Дюжаррик бу ҳақда брифингда маълум қилди.

"Бош котиб Оқ уйнинг АҚШнинг БМТнинг айрим тузилмаларидан чиқиш қарори ҳақидаги эълонидан афсусда", деди Дюжаррик. "Биз бир неча бор таъкидлаганимиздек, Бош Ассамблея томонидан тасдиқланган БМТнинг мунтазам ва тинчликпарварлик бюджетларига бадаллар БМТ Низомига мувофиқ Қўшма Штатларни ҳам ўз ичига олган барча аъзо давлатлар учун мажбурийдир".

Бош котибнинг матбуот котиби барча БМТ тузилмалари ўз ишини давом эттиришини таъкидлади.