Украина АҚШдаги президентлик сайлови олдидан иккинчи тинчлик саммитини ўтказмоқчи.
Агентликнинг манбаларига таяниб хабар беришича, Киев ноябрь ойида АҚШда бўлиб ўтадиган сайлов олдидан Украинада тинч йўл билан келишувга эришиш учун Россия иштирокида иккинчи учрашув ўтказмоқчи.
"Июн ойи ўрталарида Швейцарияда бўлиб ўтган биринчи тинчлик саммитида 90 дан ортиқ давлат вакилларини иштирок этган эди. Ушбу саммитга Россия таклиф этилмади, бир қанча давлатлар қуйи даражадаги амалдорлардан иборат делегациялар юборди. Киевнинг “Глобал Жануб”нинг асосий мамлакатларининг эътиборини жалб қилишга уриниши муваффақиятсизликка учради, чунки уларнинг баъзилари саммитнинг якуний баёнотини имзолашдан бош тортди", деб ёзади Bloomberg.
Бу мамлакатларнинг кўпчилиги, шунингдек, Швейцариядаги саммитда иштирок этмаган Пекин узоқ вақтдан бери тинчлик музокараларида Москва иштирок этиши кераклигини таъкидлаб келади. Бундан ташқари, Хитой Бразилия билан биргаликда Украинадаги урушни тугатиш бўйича ўз таклифларини илгари сурмоқда.
Америкалик баъзи расмийлар эса Россия иштирокидаги тинчлик саммит ўтказилишига шубҳа қилмоқда.