Бугун 1-босқич талабалари учун биринчи ўқиш куни. Талабаликка қабул қилинганлар ўз хоҳишига кўра, балл етмай қолган йўналишлардан бирида ҳам супер-контракт асосида ўқиши мумкин.
Ҳеч қайси йўналишга кира олмаган абитуриент эса 5та йўналишдан бирига супер-контракт асосида даъвогар бўлиши мумкин.
Контракт тўлаш учун охирги кун — 1 ноябр. Шу санага қадар бир йиллик шартнома пулининг ярми тўланиши ва абитуриент талаба сифатида расмийлаштирилиши керак.
Дарслар онлайн тарзда ташкиллаштирилади. 3 кундан 2 ҳафтагача давом этадиган анъанавий тарздаги танишув дарсларига келадиган талабалар ётоқхоналарга жойлаштирилмайди.
Бу йил супер-контракт тўлови Қабул комиссияси белгилаган минимал миқдордан оширилиши мумкин эмас. Фақат молиявий мустақил ОТМлар нарх ошириш ҳуқуқига эга. Супер-контракт пулини иккига бўлиб, 50 фоизини 1-декабргача, иккинчи ярмини 1-мартга тўлаб бўлиш керак.
