Буюк Британия ўз ҳарбий контингентини Афғонистонга қайтаришни мўлжалламаяпти. Бу ҳақда қироллик мудофаа вазири Бен Уоллес Sky News телеканали эфирида айтди.
«Қайтиб бориш режамизга киритилмаган», деди у бу борадаги саволга жавобан.
Унинг фикрича, «Толибон»нинг ҳокимиятни эгаллаши бошқа мамлакатларга мигрантлар оқими ўсишига олиб келади.
«Бутун дунё бўйича афғонистонлик мигрантлар оқими ўсишига гувоҳ бўламиз», — деди Уоллес.
Уоллес 13 август куни LBC радиосига берган интервьюсида Афғонистонда «Ал-Қоида» кучайган тақдирда ғарб мамлакатлари ҳарбийлари яна у ерга қайтиши мумкинлигини айтганди.