Бельгиянинг нуфузли ОАВ вакиллари учун пресс-тур ташкил қилинди

Туризм қўмитаси ва Ўзбекистоннинг Брюссел шахридаги Элчихонаси билан биргаликда Бельгиянинг нуфузли ОАВ вакиллари учун пресс-тур ташкил этилди.

Пресс-турда “Feeling”, “Nieuwsblad”, “La DH”, “De Zondag”, “RTBF”, “Sudinfo”, “Glenaki Tourism Consultancy”, “Ciné Télé Revue”, “So soir”, “Le Soir”, “ELLE Decoration België” ва “Soir mag” нашрлари каби ОАВ вакиллари иштирок этди.
Бельгиялик блогерлар ва ОАВ вакиллари Тошкент шаҳри, ҳамда Самарқанд ва Бухоро вилоятларининг диққатга сазовор жойларига ташриф буюрдилар.
Ташриф мобайнида халқаро журналистлар сўнгги йилларда мамлакатимизнинг туризм соҳасида амалга оширилган ислоҳотлар ва ҳудудларимиздаги мавжуд имкониятлар, ҳамда янги барпо этилган обектлар билан яқиндан танишдилар.

Шунингдек, “ELLE Decoration België” журналининг бош мухаррири Марлеен Дуеринcкх Ўзбекистон Туризм қўмитаси билан ўзаро манфаатли ҳамкорлик ўрнатишга қизиқиш билдириб, журналнинг камида 24 саҳифасини Ўзбекистон сайёҳлик салоҳиятига бағишлашга режа қилганини таъкидлади.