BBC Трампнинг нутқини сохталаштирдими? — The Telegraph фош қилди

The Telegraph нашрига кўра, Британиянинг Би-би-си телеканали АҚШ сайловларидан бир ҳафта олдин эфирга узатилган “Panorama” дастурида Дональд Трампнинг нутқини монтаж орқали бузиб кўрсатган.

Материалда айтилишича, Би-би-си Трампни гўё Капитолийдаги тартибсизликларга чорлагандай қилиб кўрсатган, аслида эса у “тинч ва ватанпарварлик руҳида фикримизни билдириш учун бориш” ҳақида гапирган.

🔹 Ички 19 бетлик ҳисоботда телеканал Трампнинг нутқининг боши ва охиридан турли парчаларни бирлаштириб, у “ҳеч қачон айтмаган гапларни” айтгандек қилиб кўрсатгани таъкидланган.

🔹 Би-би-си раҳбарияти бу ҳақдаги шикоятларни эътиборсиз қолдиргани айтилади.
🔹 Трампнинг ўғли кичик Дональд Трамп телеканални “ёлғон ва сохта хабарлар тарқатишда” айблади.

Буюк Британия парламентидаги консерваторлар бу ҳолатни “жуда хавотирли” деб атаб, Би-би-си фаолияти бўйича текширув ўтказишни талаб қилмоқда.

🔹 “Бу Би-би-си тарихидаги энг жиддий ва безовта қилувчи холатлардан бири”, — деди Британия маданият ишлари бўйича соя котиби Найжел Хаддлстон.

Шунингдек, ҳужжат Би-би-сидаги хolisлик, маданий таъсир ва раҳбариятнинг ички танқидларга нисбатан муносабати бўйича жиддий саволларни кўтарган.