Американинг амалдаги етакчиси Жо Байден душанба куни АҚШ президентлигига Республикачилар партиясидан номзод Дональд Трамп билан телефон орқали суҳбатда унга суиқасд уюштириши мумкин бўлганидан жароҳат олмаганидан хурсандлигини билдирди.
Бу ҳақда Оқ уй матбуот котиби катта ўринбосари Эмили Саймонс ўзининг Х саҳифасида маълум қилган.
"Президент Байден ҳозиргина собиқ президент Трамп билан гаплашди ва унинг хавфсиз эканлигидан хотиржамлигини билдирди. Улар илиқ суҳбатлашишди ва собиқ президент Трамп қўнғироқ учун миннатдорчилик билдирди" - деб ёзади у.
Бунгача Байден журналистларга Трампга қўнғироқ қилганини, аммо у билан алоқада бўлмаганини айтди.
Эслатиб ўтамиз, 15 сентябрь куни Трамп жойлашган "Trump International Golf Club"да отишма содир бўлган эди. АҚШ Махфий хизматининг аниқлик киритишича, унинг ходими қуролланган одамга қарата ўқ узган.
Палм-Бич округи шерифи Рик Бредшонинг тушунтиришича, гумонланувчи яширинмоқчи бўлган гольф клуби яқинидаги буталар орасидан телескопик кўринишга эга АК-47 автомати, сопол пластинкалари бўлган иккита рюкзак ва ҳаракат камераси топилган.
Шубҳали Райан Уэсли Рут ҳибсга олинган.
Криштиану Роналду ва Лионел Месси ўртасидаги 100 метрга югуриш пойгасида ким ғолиб чиқади?
Исроил жиддий хатога йўл қўйди
Россия Курск шаҳарларини қайтариб олди. Украинанинг Россияга ҳужуми барбод бўлдими?
