Ўзбекистон миллий терма жамоаси сардори Элдор Шомуродов фаолиятини Туркия Суперлигасида давом эттирадиган бўлди. Истанбулнинг «Башакшехир» клуби ҳужумчининг трансфер ҳуқуқига эгалик қилувчи Италиянинг «Рома» жамоаси билан келишувга эришди.
Турк клуби раҳбарияти 30 ёшли ҳамюртимизнинг шартномасида кўрсатилган 2,8 миллион евро миқдоридаги сотиб олиш опциясини фаоллаштиришга қарор қилди. Қайд этиш жоизки, Шомуродовнинг айни дамдаги трансфер қиймати Transfermarkt портали томонидан 7 миллион еврога баҳоланмоқда, бу эса истанбулликлар учун анча фойдали келишув бўлганини англатади.
Элдор 2025 йилнинг ёзида «Рома»дан ижара асосида «Башакшехир»га ўтган эди.
Маълумот учун, Шомуродовнинг «Рома» билан шартномаси 2027 йилгача мўлжалланган эди. У Италиядаги фаолияти давомида «Женоа», «Специя» ва «Кальяри» каби клубларда ҳам тўп сурган.
Гвардиола голда Ҳусановни айблади
Перес “Реал”дан кетадиган саккиз футболчини аниқ кўрсатди. Рўйхат яна кенгайиши мумкин
Гвардиола: «Илтимос, уни мақташни тўхтатинг»
