“Барселона” президенти Жоан Лапорта жамоанинг ёзги трансфер ойнасида қилиши лозим бўлган ишлари ҳақида гапирди.
“Хавининг талабларига кўра, биз яна учта ўйинчи билан шартнома имзолашимиз керак: иккита марказий ярим ҳимоячи ва битта ўнг қанот ҳимоячиси. Бу трансферларга кўп пул сарфламаймиз деб ўйлайман. Аслида бизда бир нечта вариант бор. Хави ҳозирги таркиб билан ҳам рақобатдош жамоа туза олишини айтди, аммо ўтган мавсумдаги муваффақиятни такрорлаш ва унданда яхшироқ натижа қайд этиш учун биз янада кучайишимиз лозимлигини ҳам тушунтирди”,-деди Лапорта.
