Европа Украинадаги можарони ҳеч қандай манфаат олмасдан чексиз молиялаштира олмайди. Бу ҳақда Франциянинг "Миллий бирлашув" партияси раҳбари Жордан Барделла маълум қилди.
Сиёсатчи бу фикрни La Repubblica нашрига берган интервьюсида билдирди.
Унинг сўзларига кўра, Франция можарони дипломатик йўл билан ҳал этиш жараёнида муҳим роль ўйнаши керак.
"Украинани қўллаб-қувватлашни яна бир бор тасдиқлаш ва унга музокаралар столига имкон қадар қулай шартларда келиш имконини бериш жуда муҳим. Бироқ биз ҳеч қандай манфаат олмасдан урушни чексиз молиялаштира олмаймиз", — деди Барделла.
У, шунингдек, миллий суверенитет тарафдори бўлган ҳукуматлар фаолият юритадиган Европа самаралироқ ишлаши мумкинлигини айтди.
"Аксинча, Европа яхшироқ ишлаши мумкин. Бунинг учун Брюссель ўзини Қўшма Штатлар деб ҳисоблашни тўхтатиши ва фаолият харажатларини қисқартириши керак", — деди сиёсатчи.
Шаҳноза Мирзиёева Мусулмон Юнусовнинг мурожаатига муносабат билдирди
Уруш оқибатлари: Россия ғалласи Қозоғистонникини сиқиб чиқармоқда
Путин туғилишни кўпайтириш йўлини айтди
