Бангладешда амалдаги ҳукуматга қарши намойишлар бўлиб ўтди.
Минглаб одамлар мамлакат пойтахти Дакка шаҳрида тинч норозилик намойиши уюштириб, июл ойидаги намойишлар чоғида ҳалок бўлган 200 дан ортиқ талаба ва бошқалар учун адолат талаб қилишди. Намойишчилар ҳукуматга қарши шиорлар айтишган ва бош вазирнинг истеъфосини талаб қилишган. Шу билан бирга, шаҳарда ҳукуматпараст гуруҳлар ҳам ҳукуматни қўллаб-қувватлаб намойишга чиқишган.
Маҳаллий оммавий ахборот воситаларига кўра, мамлакатнинг бошқа ҳудудларида ҳам намойишлар ўтказилган.