Давлат органлари ва ташкилотлари ахборот хизмати раҳбарларини аттестациядан ўтказиш ҳамда улар фаолияти самарадорлигини баҳолаш тартиби белгиланди.
Низомга кўра, ахборот хизмати раҳбарлари Оммавий ахборот воситалари учун контент тайёрлаш марказида ҳар уч йилда бир маротаба аттестациядан ўтиши шарт.
Аттестацияни ўтказиш учун Марказ директори буйруғи билан камида етти нафардан иборат Аттестация комиссияси ташкил этилади. Комиссия аттестация муддати етган раҳбарлар рўйхатини тақдим этиш учун тегишли давлат органлари ва ташкилотларга мурожаат қилади.
Талабгорларнинг анкеталари ўн кун ичида атрофлича ўрганиб чиқилиб, аттестациядан ўтадиган шахслар рўйхати тасдиқланади. Аттестация жараёни икки ой ичида ўтказилади.
Аттестация бешта савол ва амалий синовлардан иборат оғзаки суҳбат шаклида ташкил этилади. Суҳбат натижалари беш баллик тизимда баҳоланади. Камида тўрт балл тўплаган талабгор аттестациядан ўтган деб ҳисобланади ва унга тегишли гувоҳнома берилади.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Ҳафтанинг иккинчи ярмида ҳаво ҳарорати -13° гача тушади
