Австралия Жанубий Корея компанияси билан 2028 йилгача 129 та Redback пиёда жанговар машиналарини олиш бўйича 2,4 миллиард долларлик шартнома имзолаганини маълум қилди. Бу мамлакат армияси учун киритилган ягона, энг катта сармоядир.
Мамлакат бош вазири ўринбосарининг сўзларига кўра, жанговар машиналар Австралия мудофаа кучларининг салоҳиятини оширишда "катта роль ўйнайди".
Мудофаа вазирлиги баёнотида айтилишича, лойиҳа 1800 та иш ўринларини қўллаб-қувватлаши кутилмоқда. Биринчи автомобиллар 2027 йилда етказиб берилади.
