Англия Премьер-лигасининг 2026/2027 йилги мавсуми 1-туридан ўрин олган баҳсда амалдаги чемпион «Арсенал» ўз майдонида Фрэнк Лэмпард бошчилигидаги «Ковентри Сити» жамоасини қабул қилди ва 3:0 ҳисобидаги ишончли ғалабани қўлга киритди.
Учрашувдаги ҳисоб 15-дақиқада Кай Хаверц томонидан очилди. 23-дақиқада Букайо Сака лондонликларнинг иккинчи голини урди. Иккинчи бўлим бошида, 49-дақиқада жамоа сардори Мартин Эдегор якуний ҳисобни ўрнатди.
Эслатиб ўтамиз, ўтган мавсумда Микель Артета шогирдлари 85 очко жамғариб, Англия чемпионига айланган эди. Чемпионшипда 95 очко билан ғолиб бўлган «Ковентри Сити» эса элитага қайтди.
Кейинги турда «Арсенал» 31 август куни сафарда «Астон Вилла» меҳмони бўлади, Лэмпард жамоаси эса 29 август куни ўз майдонида «Халл Сити»ни қабул қилади.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
Республикадаги учта 11-синфнинг барча битирувчилари талаба бўлди
Бразилиялик афсонавий футболчи Роберто Карлос мусулмон бўлгани ҳақидаги миш-мишларга муносабат билдирди
